U Union Health Secretary, u Rajesh Bhushan da pynman u ya ka yalang High-Level Review Meeting ynnin ka sngi wa ki 11 tylli ki jylla wa kynthup ya ki jylla ka thaaiñ North East deilang wa ki Union Territories kitæ ka Arunachal Pradesh, Assam, Jammu & Kashmir, Ladakh, Manipur, Meghalaya, Mizoram, Nagaland, Sikkim, Tripura waka Uttarakhand.
U Health Secretary da ban joor u yei emkaam wow e smat yei tika chisien ya waroh kiwa da em 18 snem chaneiñ wei toh u pait leh wa kiwa em 60 snem chaneiñ u yoh ki ya waroh arsien neibhah ini ym em da hun bha i rukom man ha Assam, Manipur, Arunachal Pradesh, Nagaland wa Meghalaya. Da ong u leh wa kini ki rta toh kiwa em hei maa kamtæ emkaam wow chimkhia ya ini.
Da kdaw yeini neidaw wa da boon du da kiwa yoh yei tika chisien wei da duna kiwa yoh yei sien wa ar i tika. Kamtæ da e buit ya ki jylla wow booh thong wei deiwa booh bhah ya ki sngi yow ye u pyndep ya ini.
Da yaklam leh wa hadooh katwon da em ki tyrnia 0.5 ml Syringe, i yoh tika ki bru wa emkaam yarap kyrpang (Transgender Persons, Persons with Disabilities, PWI & Prisoners). Da yaklam leh yei e tika neibynta ki kynthai wa punkhon wa kiwa dang e bu khon.
Da phah leh ya ki jylla /UT wow paitbniah ki hawa rah na i thaw booh tika (State Vaccine Stores) cha ki thaw booh (Cold Chain Point), wei wow saam dei miat yow lait u sepai wei lada em i sepai toh u em ko hapoh 2%, u kyntu ha ki eVIN (Electronic Vaccine Intelligence Network) man-ka-sngi yei pynemkaam yei tika wei wow paitbniah wa biang ki thyrnia (0.5 ml/1ml/2 ml/3ml Auto Disable/Re-use Prevention Syringes(RUP)/Disposable) yow e tika.
