Ka Supreme Court ynnin ka sngi da pynmih ko ya ka hukum heiyatoh wa ki ksaw sarok ha ki chnong wa em ha Delhi wa ka thaaiñ NCR wei ini da wanrah i yei kyrchaan wa i pyrchah na ki ar liang.
Ka Supreme Court ha ka hukum da phah ko ya ka sorkar Delhi wa ki Civic Bodies namo ki bor sorkar ha Gurugram, Noida wa Ghaziabad wow kyrriah noh ya kini ki ksaw wei wow booh ya ki ha ki thaw wa kyrpang wei ymtoh wow poi biang ki cha sarok.
Da phah ya ki bor sorkar ha kini ki sorbah wow chna ya ki thaw wow booh ya ki ksaw sarok ym duna ya 5,000 tylli hapoh 6-8 bnai wei toh u biang kiwa kreh wow e dawai (Sterilisation & Vaccination) ya ki.
Da phah leh wow booh ya ki Helpline wow ujor lada em i chah dait ksaw wei wow pynlang ya waroh ki ksaw kiwa dadep e dawai wa kiwa ympu em.
Chooh chooh da phah leh wow pynsmat wow pynkrehkaam yeini wei ymtoh u em kiwa pynthut hawa pynkrehkaam ya kani ka hukum lym kamtæ daw chah pynchitom ki.
Ki Resident Welfare Associates (RWAs) da pdiang ki ya kani ka hukum tangwa kiwa pyrchah won da ong ki wa ki bor sorkar ym em poisa ki wow leh ya ini wei daw wanrah i yei thut hapyrdi ki bru wa ki ksaw.
Discussion about this post