Ha iwi na ki rai wa emkaam bha, ka Supreme Court da phah ko ya ka Election Commission wow pdiang ya ka Aadhaar Card kam ka Identity Proof ha i pynthymme ya ka Voter Roll ha Bihar.
Ha ka hukum wa da pynmih ynne ka sngi da ong wa ka Aadhaar toh u pdiang ya ka kam ka ID kiwa thap Voter deiwa pynrap wa ka EC.
Da ong ko leh wa ym em wa kwah wa ka Election Commission u kynthup ko ya ki bru wa wan psiah tooh chapoh ka ri wow em pyrtuid ki ha ka Electoral Roll.
Ya kani ka rai da pynmih khnang wow pynsuk ya ki paidbah wow yaleh ki ya ka EPIC yow ye ki u pynemkaam yei hok yong ki wow Vote.
Kam wow kdaw heini ka Supreme Court ha ka 1 tarik uni u bnai da pdiang ko ya ka dorkhat ka Election Commission hajrong i pdiang wa i kyntait ya kiwa thap pyrtuid lyngba ka Special Intensive Revision (SIR) neibynta ka Bihar Draft Roll heiwa ka Bench wa khlieh ki Justice Surya Kant wa Joymalya Bagchi, ym em pynmih ki ya kawon kawon ka kyndon.
Ka Supreme Court da chong bichaar ko hajrong ki mukotduma wa ujor ki seiñ saiñ hima wow pynyinsur yei por u thap pyrtuid da ar tayaaw. Da phah ko leh ya ka Bihar Legal Services Authority (BLSA) wow thung ya ki muktiar næ ki Para-Legal volunteer wow yarap ya ki bru næ ki seiñ wow pdiang næ pyrchah ya kiwa thap Vote kamjooh wow pynbait ya i bakla deiwa leh Online.
Ha Bihar hadien wa leh ya ka Special Intensive Revision (SIR) da pynhiar yeiwa em kiwa thap ha Bihar na 7.9 klur ngut cha 7.24 klur ngut.
Discussion about this post