U President ka UDP, u Metbah Lyngdoh da phah u ya ka kyrwoh sñiawlem hajrong i khlaad syndet yong u Horju Donkupar Roy Lyngdoh (Bah Don) deiwa ong wa man sakhiat i dooh nong wa khroo ya ka seiñ neibhah ha i wan psiah yong oo cha ka seiñ ha i por wa tbian da man sakhiat i e mynsien ya waroh neibhah wa man u u rangbah uwa da san ha ka kam saiñhima wei uwa da e yei chakri ya ka jaitbru ha kiwa boon ki liang wei khamtam dooh wow chakri kam uwa chna aiñ ha yung dorbar chna aiñ da boon boon snem wei leh kam uwa mihkhmat ya ka Sohïong Constituency.
Ya ka Election 2023, ka UDP da e ko yei mon ya oo wow man kam u kyrtong wei da kwah leh ka Party wow pteiñ biang u wow chakri kam uwa mihkhmat tangwa i chim noh u Blai ya u bah Don ha ka 20 tarik u Thohlakhmi, 2023 da man ko kayi kayi kawa i ym ye i wow kylli yei daw neibhah toh i mon yong u Blai.
“Nga kwah O wow phah ya ka khubor cha ki paidbah ka Sohïong Constituency wa kamjooh yong ka jylla wa ymtoh u dooh kyrmen ki tangwa u chaniah ha u Tre Kynrad neibhah kam uwa booh wa thaw em u i yong oo hi i thmu ya ka yung ka sem, ka Sohïong Constituency, ya ka seiñ UDP wa ya waroh hi.”
“Nga phah O yei sñiawlem cha ka yung ka sem waroh, ki paidbah ka Sohïong Constituency wa ka jylla ha kam ini i por wei nga booh O i duwai wa u Blai u pyntngen u ya waroh weiwa iwa sah yong u bah Don u lai i deiwa suk.
