Ka DC ka East Khasi Hills ynne ka 17 tarik da pynmih hukum ko wow phah khang ya waroh ki dukan (Shops/Stalls) wa em ha Iewduh, Shillong hadooh wa pynmih hukum da kamwi.
Ya kani ka hukum da pynmih neidaw wa da pyntip u Incident Commander, Zone-IV wa ki paidbah ha Iewduh ym em burom, ym em bood ki ya ki kyndon hanla da dep wow booh yei por i wai ki dukan wei dang em bait ki dukan wa khynnia bru.
Chooh chooh da ong wa dang em hi ki bru wa ym em deiñ Mask kamjooh ki wym bien u yajngai uwi ya uwi wei lai bait ki na kawi ka dong cha kawi hanla da dep booh kyndon yow khang.
Kamtæ ka DC da ong ko wa ini wym chikhia ki paidbah da man i i daw wa poor smat ka khlam.
