Ynne ka sngi kawa man leh ka sngi wa lehkmen yei dap 50 snem yong ka jylla Meghalaya, neiliang ka seiñ HITO (Jowai Area) hapoh i yahkhmat u President, u Hassaryo Thubru, u General Secretary, u Hisamiyoo Susngi wa ki dkhot yong ka seiñ da lai ki wow lai pait syndet ya ki thaw kreh ki bru samen kamjooh ki yong ka sorkar heipor kamwa 11:00 waje i step.
Neiliang ka seiñ da chem ko ya ki kattu katni ki yung krehkaam ki bru samen kiwa pynman kreh ynne ka sngi wa lehkmen yei dap 50 snem ka jylla.
Kamtæ neiliang ka seiñ deiwa burom ya kani ka sngi wa kyrpang wei deiwa burom leh ya ki longchwa wa kiwa yahkhmat wow yaleh pynyoh Hill State ya ka jylla yong i da phah khang ko ya kini ki thaw wa pynman kreh kiwa da mynjur wow ya ksohkti lang.
