Ka sorkar jylla da phah ko wow khang noh chipor ya ki yaaw khappood namo ki Border Haat kiwa em ha khappood wa ka Bangladesh, wei ini i rai yong ka sorkar toh hadien i kynaad wa joor wa da mih ha ri Bangladesh.
Katkam ka khubor wa da yoh ynne ka sngi, ki Border Security Force (BSF) wa ki pulit ka jylla da ya saam ki yeiwa chem ki wei da ong wa da em i thmu wow wan psiah pyrchah ya ka aiñ da ki nong Bangladesh, ki seiñ kieñ suloi, kiwa khayi mar tooh wa kiwi kiwi de lada wa wai ya kini ki yaaw.
Kamwa man kattæ, ha tymbud u pood Meghalaya wa Bangladesh da em ar tylli ki Border Haat, kawi ha Balat kawa haap hapoh East Khasi Hills District wa kawi won ha Kalaichar hapoh South West Garo Hills District.
Najrong kini ki yaaw khappood wa da tipmit da ka sorkar da em leh kiwi kam kini tangwa kini ym em man ki kiwa krehkaam, wei neiliang ka sorkar hadien wa da yoh yei e yumut na ki BSF wa ki pulit, da phah wow khang noh chwa ya waroh ki yaaw ha khappood kat hadooh wa i long i man ha Bangladesh da bha biang i.
Discussion about this post