Neidaw wa da ku biang kiwa yoh COVID-19 kamjooh kiwa yoh Omicron hapoh ka jylla West Bengal, neiliang ka sorkar jylla da pynmih hukum ko kawa daw krehkaam hadooh ka 15 tarik uni u bnai nadooh ynne ka 3 tarik.
Hapoh kani ka hukum da phah khang ya waroh ki skur ki College, ki University wei chah u wan du ki wakreh 50% donhi.
Waroh ki yung krehkaam sorkar, ki karkhana sorkar u krehkaam ki deiwa chah 50% ki wakreh wei da pynchlur leh ya ki wakreh wow kreh ki na yung.
Ki yung krehkaam ki bru samen toh u krehkaam ki deiwa em 50% ki wakreh wei da pynchlur leh wow kreh na yung.
Da phah khang ya waroh ki Swimming Pool, ki Spa, ki Gym, ki Beauty Parlor, ki Saloon, ki Wellness Centre, ki Entertainment Park, ki Zoo wa ki thaw uiñke suwari.
Ki Shopping Mall, ki Market Complex ye ki wow wai deiwa chah 50% donhi ki bru kamjooh ki Restaurant wa ki Cinema Hall hadooh 10 waje i miet.
Ki yalang paidbah u chah deiwa em 200 ngut donhi ki bru lane 50% neiwa hoi u em ki bru.
Ha ki bia u chah 50 ngut ki bru, hawa yap bru u chah 20 ngut donhi ki bru.
Ki Local Train u krehkaam ki deiwa chah 50% donhi ki bru hadooh 7 waje i miet donhi kamjooh leh ya ki Metro.
I lai i wan ki paidbah, ki yalang paidbah kamjooh ki kari da khang nadooh 10 waje i miet hadooh 5 waje i step lait ki kaam wym hoi u dam wa kiwa jhan.
Heiyatoh wa ki lieñsuiñ wa lai/wan Delhi wa Mumbai, u chah u krehkaam ki du arsien chi tayaw ha ka sngi Monday waka Friday nadooh kani ka 5 tarik.
