Neidaw i rukom man ka suiñ bneiñ wa em ka Cyclone Remal wei deiwa da pyntip ka India Meteorological Department (IMD) wa daw joor u slap deilang ka la’ær hapoh ka West Jaiñtia Hills District wei heijooh i por deiwa pyrkhat neibynta ki khynnah skur kamjooh kiwa sikai wa kiwa kreh ha ki skur.
Neiliang u DC da phah u wow khang waroh ki skur wa em hapoh ka District nadooh ki yong sorkar wei kamjooh ki yong ki bru samen ha ka 28-05-24 kam chibynta wow yada na iwon iwon iwa ye u wanrah da ka Cyclone Remal.
U DC da phah u leh ya ki bor pynlai skur wow pyntikna ki wa ki yung skur toh kiwa da skem bha deiwa khang bha ya ki dwar, ki khian dwar, u kyrriah ya kiwon kiwon ki tiar kiwa ye u chah rah ha ka la’ær wei wow booh ya ki kot ki sla wa ki tiar wa emkaam cha ki thaw wym ye ki u chah ktah.
Da phah leh ya kiwa pynlai skur wow pyntip ki cha ki bei ki pa ki khynnah deiwa Phone, SMS næ kiwon kiwon ki laad yow pyntikna u neh yung ki khynnah ha katai ka sngi.
U DC da pynkhreh u da ki Helpline Number wa ye ki paidbah wow pynemkaam lada jia iwon iwon:
District Emergency Operation Center: 1077
District Disaster Management Officer: 7005677614
Discussion about this post