Ka Presbyterian Church of India (PCI) da beiñ joor ko yei chah ktah ki yungmane kamjooh ki Hotel kiwa em ha Sri Lanka ha i pdung bomb wa jia ynne i step iwa da chim yei mynsien ki spah ngut wei da mynsoo leh da ki spah ngut.
Ha ka kyrwoh wa phah da u Rev. G.S. Lyttan uwa man kam u Senior Administrative Secretary ka Presbyterian Church of India, da ong u wa ynne ka sngi kawa man leh kam ka Easter Sunday heiwa ki Kristan wa em ha kylleiñ da kynmoo ki ya ka sngi wa khai im biang u Jisu Khrist 2000 snem nachwa, tangwa da em ki bru wa kwah wow pyndooh yei chongsuk chongsaiñ wei wow chim leh ya i mynsien kiwa hok kiwa chimbynta ha kani ka sngi wa kyntang da ki bru wa ym em kwah yaka chongsuk chongsaiñ.
Da phah u leh ya ka khubor sñiawlem cha waroh kiwa hayung hasem kiwa dooh ya kiwa maya ki wei u Blai u e u ya i bor yow ye ki u lai chakhmat wei ya kiwa mynsoo yow yoh ki yei chait i khiah wei wow yoh ki leh ya bor wow im biang kamwa jooh.
Da kyntu u leh ya ka sorkar ka Sri Lanka wow leh ko katwa ye yow lait biang u jia kam ini i jooh yow lait i u poor kam i kjut yow wanrah biang ya i chongsuk.
Discussion about this post