Phah kreh bait u DC WJH ya ka yingkieñ natlor wa phah hajir ki pulit Assam ya kiwa pynkreh

Jowai : I kreh ha ka yingkieñ Kureliya hajrong ka wah Myntang iwa da sdang biang u pynkreh ha kini ki kajak bnai wa da dep hajrong wa pynthut ki pulit ka Assam yow pynsangeh yei kreh, yoosar hadooh kini ki sngi ki pulit wa ka sorkar Assam dang kwah bait ki u pynsangeh ya i kreh.

Katkam ka yutip wa ka copy ka FIR wa yoh u Wyrta da phah hajir ya kiwa pynkreh (Contractor/constructing Authority) ya kani ka yingkieñ.

Ha kani ka Notice da phah hapoh ka aiñ 91 yong ka CrPC kawa da klam ya ka mukotduma (case) warim 04/2016 kawa da pynngat hapoh ka kyndon 120/121/447/121(a) yong ka IPC.

Katkam kani ka mukotduma da phah wanrah ya ki kot ki sla wa yoh bor u chna ya kani ka yingkieñ (Steel Girder Bridge harong ka wah Myntang) Khatkasla.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kani toh katkam wa kam ki pulit ka Jrikyndeng PS wa toh ym em u yohbor ki u chna na ka PWD Roads lyngba ka Baiphalangsoo Division West Karbi Anglong District Assam.

Heiyatoh wa ini u DC ka West Jaiñtia Hills da ong u wa lada man katwa man neiliang yong oo da phah u ya u Executive Engineer wa lada man katwa ma ymhoi u sangeh i kreh ha kani ka yingkieñ.

Katkam wa man katni da dep pyndait lut ya ki naar sah sadu wow dung khyndaw bilat hi-eh ya ka yingkieñ wa kiwi kiwi ki kaam wa khian.