Ka sorkar India lyngba ka chnat Home Ministry da thoh ko cha waroh ki Chief Secretary ki jylla ka ri yow leh yeiwa emkaam hadien wa da yoo ya ki dak ki chin wa daw ku biang kiwa dang yoh COVID-19 kamjooh wa da em kiwa yoh ya u ‘Omicron’ uwa ka WHO da ong ko wa ye u wow poor le chah bar ya u ‘Delta’. Wei da yoo wa ha ki ri wa chah ktah ha u Omicron da ku syndet kiwa chah ktah. Hapoh India da em 578 ngut kiwa da dep yoh Omicron ha ki 19 tylli ki jylla.
Ka Home Ministry da pyntip ko leh wa ya u Omicron da chem ya oo katni ha ki 116 tylli ki ri wei da ku kiwa yoh ya oo ha USA, UK, France, Italy, Spain, Russia, South Africa, Vietnam, Australia wa kiwi kiwi.
Kamtæ da phah ya ki jylla wow booddien wei wow puræ bniah bha ki yei rukom yoh COVID-19 yow yoo ya ki dak kam iwa ku kiwa yoh COVID-19 cha ka 10% na kiwa chah Test kawa tip kam ka Positivity Rate wei lada dap ki thaw thiah ha ki Hospital 40% kamjooh ki ICU wa i emkaam Oxygen.
Lada jia wa yoo wa em ini, ki bor District ye ki wow pynkrehkaam ya ki kyndon wow kdoh u khoom kiwa man kamni ha wah:
Da phah wow pynkrehkaam ya ki Night Curfew, u booh kyndon wa khor hawa pynman ya ki yalang paidbah wa heh, u pynduna yei boon bru wa em hawa pynman bia wa hawa yap bru, i boon ki bru hapoh ki yung krehkaam, ki karkhana, ki kari kamai wa kiwi kiwi.
Lada pynman ya ka Containment Zone toh u pynrkhiñ bha ya u pood u ang ka Zone wei ya waroh ki nongmuna (Sample) hap wow phah cha ka INSACOG Lab yow leh ya ka Genome Sequencing khlem pynslem.
Da phah leh wow lai na iwi cha iwi i yung yow Test kamjooh yow thooh ya kiwa em ya ki dak ki chin, u pynboon ya ki thaw thiah, ki Ambulance, u pynbiang ya ki Oxygen wa kiwi kiwi de wa emkaam.
Da phah leh wow pyntikna wa waroh 100% ki bru da yoh ki yei tika kamjooh yow booddien ya kitu ki wym pu yoh yei sien wa ar i tika deiwa lai leh na iwi i yung cha iwi.
Da phah leh wow pynkrehkaam biang ya ki War Room/EOC kam nachwa.
Da phah leh wym hoi u dam u deiñ Mask, u yajngai uwi ya uwi ha ki thaw paidbah wa kynthup ha ki dukan.
Lada ye, ki bru toh u kreh ki na yung, u yabhah yei por wa wai ya ki thaw kreh nadooh ha ki dukan, ki karkhana wa ki yaaw ki haat.
U booh ya ki thaw saitkti ha waroh ki thaw kreh, ki tiar thaw chit ha ki thaw psiah wa thaw mih wei wow sait dei langær ya ki bynta wa hap u tba kam ki dwar, ki mieh wa kiwi kiwi.
