Phah kyrriah ka ECI ya ki sahep ka Meghalaya kam wow pynkhreh Election

Ka Election Commission of India (ECI) da thoh ko cha ki Chief Secretary wa cha ki Chief Electoral Officer ka Meghalaya, Nagaland wa Tripura deiwa pyntip wa ka samoi man MLA ha Meghalaya daw kut noh i ha ka 15-03-23, ka Nagaland ha ka 12-03-22 katwa ha Tripura won ha ka 22-03-23, kamtæ da pynbna ya ki kyndon wow kyrriah ya ki sahep sorkar kiwa man kam ki tre District wa kreh ki katni.

Ka ECI da phah ko wa ym chah wow em uwon uwon u sahep sorkar kiwa emkti ha ki kaam Election wow pteiñ ki yei kreh hapoh ka District lada ki toh kiwa chong chnong ka District, lada toh kiwa em hapoh ka District la 3 snem ha kini ki soo snem wa da lai hanla toh kiwa chah pynku kyrdan leh.

Kini u kynthup ki nadooh ki DEO, Dy. DEO, RO/ARO, ki ERO/AERO, ki ADM, SDM, ki DC/ADC, ki BDO lane kiwon ki jait kreh wa sariem wa kini ki kyrdan.

Kani ka hukum u krehkaam ko leh ya ki heh pulit nadooh ki Range IG, DIG, ki Commandant ki State Armed Police, ki SSP, SP, Addl. SP, ki Sub-Divisional Head of Police, ki SHO, ki Inspector, ki Sub-Inspector, RI/Sergeant Major lane kiwi de kiwa sariem wa kini ki kyrdan kiwa emkti wow pait yei yada wei pynlai ya ki pulit heipor Election. Tangwa ini ym krehkaam ko ya ki pulit wa em ki chnat Computerization, Special Branch, Training wa kiwi de.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ini da mut wa ki Police Sub-Inspector wa ki kyrdan wa chaneiñ ym toh u em ki hapoh ka District wa man tre chnong ki kamjooh ya kitu kiwa da em hapoh ka jooh ka District la 3 snem ha ki soo snem wa da lai wei daw hap kyrriah ki cha kiwi ki District.

Kiwi won ki wakreh kiwa daw emkti ha ka Election ym hap wow kyrriah ya ki neidaw wym kwah u pynthut yei krehkaam ka sorkar wei kini u kynthup ki ya ki Doctor, ki Engineer, kiwa sikai, ki Principal wa kiwi kiwi lada ym em mih kawon kawon ka ujor pyrchah ya ki wa leh chiliang ki. Ki sahep wa da thung kam ki Sector Officer/Zonal Magistrate yow pait ya ka Election ym ngat ki ha kani ka hukum. Tangwa da phah ya ki Observer, ki CEO/DEO wa ki RO wow pait bniah bha ki ya kini.

Kitu won ki sahep sorkar kiwa da dep chah pynchitom ha ka Commission wa leh bakla ki heipor Election nachwa lane kiwa dang chah takit ym toh wow pynkit ya ki kaam Election ha ki.

Ki sahep kiwa daw chong-ngiah noh ha kini ki 6 bnai wow wan leh daw lait ki na kani ka hukum.

Waroh ki sahep kiwa da dep chong-ngiah tangwa da pynteiñ yei kreh ki ym toh wow booh kreh ki ha ki kaam Election.