U DC ka West Jaiñtia Hills District da pyntip u wa deiwa pyrkhat ya ka sngi niaw Vote yong ka Election MLA 2023 kawa daw pynman ha ka 2 tarik uni u bnai, da kdaw yeiwa daw chem chitom ki paidbah ha kani ka sngi.
Kamtæ da phah ya waroh kiwa chongdai ha rood sarok wow kyrriah ki na ki thaw paidbah nadooh ki luti lai kjat wa ki rood sarok nadooh ka 02-03-23.
Ka hukum u DC da ong ko leh wa kiwa chongdai kamjooh kiwa tyrwa mar ha rood sarok wa ha ki luti lai kjat da chim ki yei thaw paidbah kamjooh i hok yong ki paidbah wa lai kjat yow lait u thut i lai i wan ki kari leh kamjooh.
Chooh chooh da ong wa neidaw wa hap ki bru wow lai na sarok neidaw wa da dap ki luti lait kjat da kiwa chongdai, da wanrah ko yei chah tyrrah ki bru neipor cheipor wa i sahkut kari wei ini i chongdai ha ki thaw paidbah man ko leh pyrchah ya ka aiñ.
U DC da pynkynmoo u leh wa ya kani ka jooh ka hukum da pynmih u dei langær.
