Neidaw wa da em ki dong ki chnong ha East Khasi Hills District, Shillong wa ha Ri Bhoi District kiwa da dep pynbna kam ki Containment Zone kamjooh wa ku kiwa dang yoh COVID-19, kamtæ kam ki laad yada nei poor uni u khñiang, u DC ka North Garo Hills District da pynmih u ya kini ki pynbna paidbah.
Waroh ki bru ka liwan na East Khasi Hills wa na Ri Bhoi District, daw hap ki u leh yaka Isolation/Home Quarantine wa 14 sngi lada Test ki wa man Positive lane Negative leh.
Hawa lai lane wa liwan cha North Garo Hills District, lada man iwa jhan iwa ym hoi de u dam, toh u lai luti lyngba ka Nongstoin ym toh wow lai lyngba ka Assam.
Ya waroh kiwa liwan na East Khasi Hills wa Ri Bhoi toh u psiah ki lyngba ka Berubari Entry Point yow leh yaka Medical Screening.
Ki bru wa liwan na kini ki ar District toh u pyntip ki cha ka chnat i chait i khiah, ki pulit waki bor District.
Ya kiwa na East Khasi Hill wa kiwa na Ri Bhoi kiwa wan cha North Garo Hills toh u yoh bor chwa ki.
Lada em kiwa yoh ya ki dak ki chin wa chitom na u COVID-19 toh u pyntip ki wut wut cha u District Surveillance Officer, Dr. W.K. Marak ha u number 9612611821 wa Dr. Centiar A. Sangma, Medical & Health Officer,i/c Rapid Response Team ha u Phone No. 9862956397.
Lait na ki kaam wa jhan wa kiwa ym hoi de u dam, da phah yaki bru wow dam chwa ki wow lai cha kini ki ar District.
