Phah liwan ka Assam ya uwa na Canada uwa chah pynbaad pynkylla Christan ya ki bru

Uwa chong chnong ka ri Canada uwa tip kam u Brandon Joel Devealt da chah pynliwan u cha ka ri u ha ka 6 tarik uni u bnai neidaw wa da neh u palat yei por wa chah ka Visa u wei da chah pynbaad u leh wa emkti u ha ki kaam pynkylla niam ya ki bru.

U Brandon da sah u ha Assam deiwa pynemkaam da ka Tourist Visa wei da chah kem u ha Jorhat ha ka 5 tarik uni u bnai hadien wa kut ka Visa u ha ka 17-01-25 wei neiliang ki pulit ka Jorhat da pynman ki yei takit deiwa ya krehlang waka Foreigners’ Regional Registration Office (FRRO).

Katkam wa ong u SP ka Jorhat, u Shwetank Mishra, u Brandon toh u Evangelist wei da embynta u hei pynkylla niam Christan ya ki bru hapoh ka Grace Church wa em ha Jorhat. Chooh chooh da pyntip u wa ha ka 4 tarik uni u bnai da pyntip cha ki wa u Brandon da psiah u cha India deiwa pynemkaam da ka Tourist Visa wei da leh u ya ki kaam yalap niam ha Jorhat.

Hadien wa tip yeini waroh, neiliang ki bor sorkar ym bien de ki wow pynthymme ya ka Visa u Brandon wei da chem leh wa em u ya u YouTube Channel yow yaklam wa kiwa chong chnong yow pynkylla ki cha ka niam Christan tangwa uni u YouTube Channel ym em de u katni.

Katkam ki kyndon ka Tourist Visa ym chah ya ki bru u leh ki ya ki kaam niam.

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

Kamtæ da phah ya ka ‘Leave India Notice’ cha u Brandon wei da li yah ki pulit ka Jorhat oo cha Delhi heiwa da booh ya oo ha ka lieñsuiñ wa lai cha Toronto.

U SP da ban joor u wa da leh yeini katkam ki kyndon.