Ynnin i miet ka 24 tarik heipor kamwa 11:30, ki dkhot ka HANM Narpuh Circle da yoh ki wow ksoh ya 3 ngut ki baar jylla wa wan na West Bengal kiwa tip kam u Vivek Chauhan, u Ramen Chanda wa u Nani Das kiwa mut wow lai kreh mylla cha ka kharkhana ka Star Cement kawa em ha Lumshnong, East Jaiñtia Hills District.
Neiliang ki dkhot ka seiñ da paan ki ya ki kot ki sla tangwa kini ki bru ym em ki ya ki kot kiwa biang u pynyoo kam ki Labour License wei hawa Phone ki cha u Contractor yong ki ym bien u wow wan iwa da pynman ya kiwa kreh kani ka karkhana wow wan yaklam wa ki dkhot ka seiñ heiwa da kam wa kini toh kiwa kreh ka karkhana ymtoh kiwa wan mylla tangwa ka seiñ da ong ko toh u pha liwan ya kini ki bru yong ki lym kamtæ ka seiñ daw leh ko deiwa eh.
Hadien ini, ki heh kani ka karkhana da phah Phone ki ya u President ka seiñ wow yaklam heiwa oo da ong u wa kiwon kiwon kiwa wan na baar jylla kiwa em du u Aadhaar, neiliang ka seiñ ym ye ko u pdiang.
Kamtæ neiliang ki dkhot ka seiñ da pynku kari ko ya kitai ki baar jylla yow liwan ki cha i thaw wa wan ki.
Hajrong ini, ka seiñ da ong ko wa ym chong klikti niebhah da chem wa neipor cheipor jia ma jia kamni heiwa kini ki karkhana da wanrah ki ya ki bru wow kreh khlem em ki kot ki sla wa biang.
Discussion about this post