Shillong: U Director of Health Services ka jylla, u Dr. Aman War da pynche u wa ym em i bakla hawa yatoh i em ki chipai BSF kiwa yoh COVID-19 haka jylla, neibhah wa ya kitu wa pynbna wa toh kiwa man Positive næ yoh ya u COVID-19 wei da pait bniah biang yaki nongmuna wei da chem wa man ka Report kawa bakla næ ka ‘False Positive’.
Hawa kylli, da pyntip u wa katkam ka yutip wa da yoh na kani ka chnat chipai, da antaad sa kamwa 150 ngut ki shipai kiwa liwan chuti yow pteiñ yei kaam.
U DHS da pyntip u wa ka yalang kawa man ynne ka sngi, neiliang ka sorkar jylla da phah ko yaki bor chipai wa ym yoh wow wanrah lut ha i jooh i por ya kitai ki chipai kiwa toh wow liwan nei lai chuti, wei toh u wan ki 4 lane 5 ngut khnang wow ye u pyndep ya iwa emkaam katkam ki kyndon wa da booh.
