Phah liwan yung ka KSU South Khasi Hills ya ki baar jylla kiwa ym em yaka Work Permit

Jowai: Ka Khasi Students’ Union (KSU) South Khasi Hills Unit, hapoh i yahkhmat yong u President, u Reebokstar Diengdoh, ynnin ka sngi heipor kamwa 3 waje noh chariñ ka sngi, da phah liwan yung ko ya 9 ngut ki baar jylla kiwa wan kreh kiwa khlem em yaka Work Permit hapoh ka chnong Sohra wei hadien wa da takit ya kini ki bru da yoh yutip wa waroh toh kiwa wan na Karimganj District yong ka jylla Assam.

Kamtæ ka seiñ da phah liwan biang ko ya ki cha ki thaw wa wan ki wei da booh leh yaka maham kawa eh ya kitu ki Contractor kiwa jooh myllien u wanrah da ki baar jylla, wa toh u pynbiang ki yaka Work Permit yong ka jylla, wei lada ym leh yeini, ka seiñ ym kitkhlieh ko.

Ini toh katkam wa pyntip u Edmund Khongsya u General Secretary ka KSU South Khasi Hills Unit.