Ka Shillong Press Club (SPC) da pynsñiaw ko yei beiñ joor wei i wym sñiawsuk yei klam wei pynbaad wa khlem yurim da u MLA ka Nongkrem uwa man leh kam u President ka Voice of People Party, u Ardent M Basaiawmoit pyrchah ya kiwa thoh khubor ka jylla kamjooh ya kiwi leh kiwa thoh khubor kiwa em cha kiwi ki jylla.
Ka SPC da ong ko wa sñiawsih wa uwa mihkhmat paidbah uwa da stat u pynbaad u ya kam ini wa khlem yurim pyrchah ya kiwa thoh khubor deiwa ong wa thoh ki ya ki khubor thok wei iwa sñiaw diaw dooh toh wa da pynbaad bait u wa kiwa thoh khubor hapoh ka jylla toh kiwa da chah thied kamwa chah thied kiwi leh cha kiwi ki thaw.
Iwa khyrngiat chooh chooh wa yeini da klam u ha ki paidbah deiwa ong wa kiwa thoh khubor da wan ki cha ki yalang ka VPP du wow thooh daw wei yow kdaw yeiwa duna hapoh ka Party.
Ka SPC da kwah ko wow pynkynmoo ya u Ardent wa kam kiwa thoh khubor toh i kaamram yong ki wow thoh yeiwa bha wei yeiwa sih leh kamjooh kiwa da tikna.
Da kylli leh ya u Ardent wa lada yooluti u wow mih khhubor kiwa yaroh donhi mo ya ka VPP næ kwah u du ya ki kattu katni donhi kiwa thoh khubor kiwa bien du wow yaroh ki wow wan cha ka yalang ka Party neini chakhmat.
Ka SPC da pynkynmmo ko leh ya u Ardent wa i lehbha ka Party u toh neidaw wa boon kiwa bien u thoh khubor neibynta ka Party da waroh.
Kamtæ da ong wa lada kamwa ong u Ardent mut kitu kiwa thoh khubor kiwa lai cha ki yalang ka VPP toh kiwa da chah thied yow thoh khubor wa bha hadooh wa jop ka VPP soo ngut ki MLA.
Ka SPC da dawa ko leh wow tip yei pyrtuid kitæ kiwa thoh khubor kiwa da leh chiliang kiwa da thoh bakla ya ka khubor heithaw wow pynbaad syndon ya waroh neibhah ini man ko pyrchah ya ka yurim wa yieñ wow man kiwa salonsar wei ka SPC kamjooh waroh ki laad pathai khubor da yieñ skem ki ha kani ka yurim.
Hajron kini waroh da paan wow pynche wei wow paan maap syndon wei lada ym leh yeini daw chim da ki laad katkam wa yatoh wa ini.
Discussion about this post