Phah pyllait ka Supreme Court ya u Champion Sangma

Jowai: Ka yung bichaar wa khliehdooh ka ri kawa tip kam ka Supreme Court ynne ka sngi da pynmih hukum ko wow pyllait noh ya u Champion R Sangma neidaw wa i chah kset patok u man i iwa pyrchah ya ka aiñ wei da phah pyllait ya oo pyn kattæ hiwot.

Kiwa bichaar wa kynthup ya u Justice AK Sikri wa u Ashok Bhusan da tynyap ki ya ka hukum wa pynmih u Additional District Magistrate (Judicial) ya ka mukotduma wa yaleh wow pyllait jamin noh ya u Sangma.

Ka Supreme Court da ong ko wa i yaleh u Sangma wow yoh jamin yeiwa chah kyntait toh kawa bakla.

U Sangma da tip ya oo leh kam u Chairman ka GNLA wei da em leh boon ki mukotduma pyrchah ya oo tangwa ym em yoh kem ya oo chwa wa wiar u wei da sah ki mukotduma pyrchah ya oo khlem lai ki cha khmat.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Supreme Court leh da ong ko hei sñiaw yong ka ya ka hukum wa pymih ha ka 24-01-18 da ong ko wa ya u Champion Sangma da kset ya oo wei da kem ya oo khlem bood ya ki kyndon ka aiñ wei ini waroh man i iwa bakla.

Da pynskem ka Yungbichaar deiwa ong wa ym em khanglaad ko ya ka sorkar jylla u leh ko katkam wa chah ka aiñ heiyatoh wa kani ka kaam.