Heiyatoh wa i ku syndet ka bai bordiñ, ka Jaiñtia Students’ Movement (JSM) da phah pynche ko yeini heiwa da yaphær ko da ki phaw hajar hapoh chi bnai, kamtæ neiliang ka JSM da dawa ko na ka MePDCL wow pait bniah yeini khamtam ha chnong Mynsngat wa ka thaaiñ.
Ka seiñ da ong ko wa ini da ktah bha i ya ki paidbah kiwa wan na ki manyung wa dooh.
Hei yachem ka seiñ ha ka 23 tarik uni u bnai wa u Assistant Executive Engineer ha yung krehkam yong oo, da ong u wa ymtoh wa ku dor ka bai bordiñ tangwa da em chwa ka bai bordiñ kawa dang sah, katwa kamtæ ka seiñ da dawa ko wow tip wa nadooh uwon u snem wa katwon wa kiwa chong chnong ym em su ya ka bordiñ.
Kani toh katkam ka khubor wa da phah da u Phresmi Suting President ka JSM Mynsngat Unit.
