I chong kyllaiñ myngngor ka Angela Rangad haphrang Secretariat, Shillong wow dawa pynlait ya ka poisa wa toh u yoh kiwa khih mylla sngi, ynne dang pteiñ i ha i jooh i thaw iwa da man leh ka tayaw wa ar wa da leh ya ini.
Ynne ki sahep sorkar ka East Khasi Hills da wanrah ki ya ka chithi cha ka Angela kawa da thoh da ka DC kawa da ong wa da thoh cha ka chnat Labour wow chimkhia ya ini dawa wei wow kyrriah noh na ini i thaw wa chong kyllaiñ myngngor ko.
Ka Angela da ong ko wa da phylla won u yoo wa kani ka chithi toh kawa thoh ha ka 23 tarik tangwa da wan e ya ka ynne ka 26 tarik.
Hajrong ini neiliang ka Angela da ong ko wa ym kyrriah ko na ini i thaw neibhah la kattu bnai wa da ujor da thoh khlem em wa mano, katwa kamtæ da rai ko wow chong bait heini hadooh wa waroh kiwa pyndap (Apply) u yoh ki ya ka hok poisa yong ki kawa T. 2,100 wa T. 5,000 samen.
Ha ka chithi ka DC da ong wa i pynman ya kiwon kiwon ki yalang wow pynyoo yei pyrchah hei thaw psiah lane ha pchem ka Main Secretariat wa kiwi ki bynta ka Secretariat toh i wym chah wei da kyrpaad wow kyrriah noh yei thaw wa pynman yei yakhih wa jai jai cha iwi won i thaw manda chah i long i man deiwa pyntip cha ka DC.
