Shillong: Ka Khasi Students’ Union (KSU) ynne ka sngi da dawa ko na ka Principal yong ka Pine Mount School wow pyndam noh ya ka kot Sociology Class XII, wa da pynmih da ka Indian School Certificate (ISC) ya kawa da thoh da u Manjir Ghosh, neibhah wa kani ka kot da thoh bakla ko hajrong i chongkha chongman ki jaitbru Khasi.
U Raymond Kharjana uwa man leh u Education Secretary ka KSU da pynsñiaw u yei phylla wa ka skur ym chimkhia ko wow pynbait ya ini iwa da thoh bakla ha kani ka kot nadooh ki snem wa dadep.
Da kyntu u leh ya ka Principal, ka Aiom Diengdoh wow thoh cha kiwa pynmih ya kani ka kot kiwa da thoh bakla ya i rukom chongkha chongman ka jaitbru Khasi.
Heijooh i por ka KSU da phah ko i maham ya ki bru na baar kiwa thoh chaphang ki Khasi wow tih tre ki khnang wow chem ki yeiwa sakhiat wei lada chem ya kiwa emkti neini ym maap de ko ya ki.
Discussion about this post