Jowai: Ka seiñ JSM-Jowai Circle da pyntip ko wa hadien wa yoh ujor ko na kiwa chong chnong kiwa sah hajan ka 1-India Family Mart kawa em ha New Hill wa joor palat i pynheh sur kani ka dukan khamtam heipor wa khreh kot ki khynnah wa da sñiaw la kam ka yaw Mela, neiliang ka seiñ da lai yachem ko wa u Manager kani ka dukan yow yaklam wa oo.
Neiliang ka seiñ JSM (JC) hei yahkhmat u Organising Secretary ka Jowai Circle u Dari Pde deilang wa ki dkhot hei yachem wa u Manager ka 1-India Family Mart da pynsñiaw ki ya ini wa ood ki paidbah wei da kular u wow pynkhian ya i sur nadooh ynne ka sngi kamjooh da kular u leh u krehlang wa ki paidbah la heiwon heiwon i bynta.
Neiliang ka seiñ da kylli ko leh chaphang ki wakreh kani ka thaw heiwa da pyntip cha ki wa toh kiwa boon hi toh ki bru Pnar wei i kreh toh kiwa ye u leh da ki bru yong i hi.
Discussion about this post