U Rajesh Bhushan, Union Health Secretary da yaklam u wa ki Health Secretary wa ki Mission Director ki National Health Mission (NHM) ki jylla wa ki UT lyngba ka Video Conference ynnin ka sngi. Wei ka thong kani toh yow booddien yei e tika COVID-19 heiwa da kyntu wow pynjoor yei e tika khamta yei sien wa ar hadien wa da ye wow tam 100 klur sien i e tika ha ka 21 tarik uni u bnai.
Da kdaw u yei boon ki bru ki wym pu em yoh yei sien wa ar, kamtæ u Union Health Secretary da kyntu u ya ki jylla wa ki UT wow pynlut por neibynta kitu kiwa dang yang yei bhah wa ar khamtam manda toh i por wow chim yei sien wa ar i tika.
Da ong u wa da booh thong wa chwa wow kut u snem waroh kiwa da toh u yoh yei tika u yoh lut ki ym duna ya chisien. Kamwa man kattæ da em 71.24 klur ngut kiwa da yoh yei sien wa nyngkong i tika iwa da man 76% na kiwa hoi u chim yei tika katwa 30.06 klur kiwa da yoh yei sien wa ar iwa man 32.0% donhi.
Kamtæ u Bhusan da ong u wa ki District Magistrate toh u booh ki dei por yow poi cha kani ka thong neibynta kiwa dang yang wow yoh yei sien wa ar i tika wei ki sorkar jylla toh u pynkhreh leh i rukom krehkaam katkam wa emkaam ki District.
Da phah leh wow thooh ya ki District wa duna dooh kiwa wan chim tika wei yow sñiawthooh yei daw wei lada emkaam wow pynboon ya ki thaw e tika. Da phah leh ya ki jylla wow pyntip kammon da pynkrheh ki wow leh ya ini.
Da emlang leh ha kani ka sngi u Dr. Manohar Agnani, Additional Secretary (Health) wa kiwi ki heh wa ki sahep ka Health Ministry deilang wa u Principal Secretary (Health), Additional Chief Secretary (Health) wa ki State Surveillance Officer ki jylla/UT.
