Ha ka 3 tarik uni u bnai, ka KSU Mawkasiang Unit da yoh kem ko ya uwi u bru uwa da wan noh taroi yei jhep ha khloo wa em harood sarok Mawdiangdiang pyrchah yaka Assembly Building wa thymme heipor 8:00 waje i step.
Uni u bru uwa man u leh u baar jylla da wan u da ka kari dang step cha Mawdiangdiang wow noh yei jhep wei embhah da yoo ki dkhot ka seiñ heiwa hawa mut wow ksoh ya uni u baar jylla da yut u da ka kari wei da psiah u cha ka Institute of Hotel Management.
Ki dkhot ka KSU leh khlem da e laad da kdong ki ya uni u bru wei da taan ya oo na kani ka thaw puræ yow yah biang cha i thaw wa noh jhep u wei da phah ya oo wow pynlang biang yei jhep wei wow thap hapoh ka kari.
Ka KSU Mawkasiang Unit lyngba kani ka kyrwoh da maham eh ko ya kiwon kiwon kiwa wan wow pynman thaw noh jhep hapoh ka chnong ka thaw neibhah ka New Shillong ym toh ka thaw noh jhep yong kiwon kiwon tangwa toh i kaamram yong uwi pa uwi lada u tre chnong lane ki baar jylla wow sumaar sukhær ha i liang wa khooid wa suba wei wow kiar nei noh jhep khnang wa i khooid i suba ka chnong u neh i.
