Ka JSU ynne ka sngi hapoh i yahkhmat u President, u Jesrom Shylla wa u Assistant General Secretary, u Neilkee R Mukhim da lai e dorkhat ki ha u Deputy Commissioner wow dawa pynsangeh ya ka Billing UGO Software ha Ri-loom Jaiñtia.
Neiliang ka seiñ hadien wa da yoh yutip ki wa ka Company M/S Satnam Global Infrastructure kawa na North India da soi soskular ko wa ka MeECL wow pynkrehkaam ya i kaam chaphrang deiwa pynkreh ya ka UGO Billing Software, wei ka thong yong kani ka Company toh wow esikai leh ya kiwa kreh ka MeECL.
Hajrong kini, neiliang ka seiñ da kyntu ko ya u DC wow pynsangeh chwa ya kani ka Company wow pynkrehkaam ya kani ka UGO Billing Software ha Ri-loom Jaiñtia.
Neiliang ka seiñ da kyrpaad ko leh ya ka chnat MeECL ha chwa wow pynkrehkaam ya kani ka UGO Billing Software, da toh u pyntip paidbah wei wow pynsñiawthooh paidbah chwa khnang wow sñiawthooh hajrong kani ka UGO Billing, wei heijooh i por ki paidbah leh daw chem chitom ki wow pynkrehkaam ya kani ka UGO Billing neibhah wa ym yatoh ko wa ka Meter Reading.
