Phah pyntikna ka KSU wa da thung da ki tre chnong ha ki kreh wa lait hapoh NEHU

Ka KSU da ban joor wa ko ha u Vice Chancellor ka NEHU, u Prof. Prabha Shankar Shukla wow e kreh chwa cha ki tre chnong ka Meghalaya hawa pyndap ya ki kreh wa dang lait katni hapoh kani ka University.

Neiliang u Reuben Najiar, Chairman ka KSU Employment Monitoring Cell da ong wa u VC da kular u wow leh yeini wa da dawa ka seiñ.

Da ong u wa ka seiñ da wan ko wow dawa yeini hadien wa da pynmih Advertisement ya kiwa boon ki kreh wa lait kiwa kynthup nadooh ki Associate Professor wa kiwi de.

Da pyntip u leh wa da yaklam wa u VC yei kyntait ka Screening Committee ya kiwa wan thap kreh khlem da e daw deiwa biang hanla da ye ki wow pynhun ya ki kyndon wa da booh da ka UGC wow man kam kiwa sikai wa kiwa kreh hapoh ka University.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Da ong u wa da em na kini kiwa chah kyntait khlem da e daw wei ka NEHU leh ym em bien ko wow pynche.

Chooh chooh da ong u wa em won kiwa yaleh kreh kiwa chah khut tangwa ym em won pyntip cha ki, katkam wa ong u Reuben, em leh kiwi ki kreh wa dang lait kam u Registrar, Finance Officer wa kiwi kiwa da ieh khlem pyndap iwa da ktah bha yei krehkaam ka University.

Kamtæ da ong u wa da ban joor ha u VC wow chimkhia u yeini wei wow pyrkhat yei heh i san wei ku ka University wei kamjooh leh kiwa lai puræ waroh.

Puræ leh: Pynman ka NEHU ya ka Rozgar Mela yow pyndap ya 7000 tylli ki kreh wa lait