Phah pyntip cha ka sorkar ya kiwa wan na UK ha kini 4 tayaw

Ka sorkar Meghalaya lyngba u Sampath Kumar, IAS, uwa man kam u Commissioner & Secretary Health & Family Welfare Department da pyntip u wa neidaw wa em u jait khñiang thymme SARS-CoV-2 Virus uwa da chem wa em u ha United Kingdom (UK) uwa da antaad toh uwa smat bha u poor wei uwa ktah ya kiwa dang khynroo, kamtæ da phah ya waroh kitu kiwa psiah chapoh ka jylla kiwa wan na UK ha kini ki 4 tayaw wa dep (nadooh 25^th November hadooh 23^rd December 2020) toh u pyntip ki ya i lai i wan yong ki ha kini ki 14 sngi wa dadep cha ki Surveillance Units ka jylla kamjooh ha ki Districts wei wow lai leh ki ya ka RT-PCR Test.

Ya kitu kiwa chem wa em ya uni u khñiang toh u chong kset ki samen samen ha ki thaw wa da booh da ka sorkar deiwa ya krehkaam lang wa ki bru ka chnat i chait i khiah. Ya kitu kiwa ym em chah ktah hadien wa leh yaka RT-PCR toh u leh ki ya Quarantine wa 7 sngi ha ki thaw wa booh da ka sorkar iwa pynbood won sa ka Quarantine wa 7 sngi ha yung iwa daw pait da ka IDSP/District Surveillance Officers.

Waroh kiwa psiah cha ka jylla na UK ha kini ki 4 tayaw (nadooh 25^th November hadooh  23^rd December 2020) da kyrpaad ya ki wow paitbniah ki ya idæ lada yoh ki ya ki dak ki chin wa yoh COVID-19 kam i iñdoh, i ka’oh, i chem chitom wow riñ mynsien ha ki 28 sngi nadooh wa wan ki na UK. Lada em ki ya ki dak ki chin hap ki wow deiñ Mask, i chong kset ya idæ ha yung wei wow pyntip cha u District Surveillance Officer lane deiwa phone ha u State Helpline 108 lane ha kini ki number ha wah:

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024