Jowai : U Deputy Commissioner (Supply), West Jaiñtia Hills District da pyntip u wa em kiwa kreh sorkar kamjooh kiwa da chongngiah (pensioner) em ki ya ka National Food Security Act (NFSA) Card kawa toh u yoh du ya kiwa dooh wa kiwa em hok u yoh don hi, da phah pynuiñ ya kini ki card cha ka Office u Deputy Commissioner (Supply), Jowai ha ki sngi wa man office hapoh ka 8 tarik uni u bnai.
Da pyntip leh hei jooh i por wa hapoh West Jaiñtia Hills District wa ya u khoo AAY wa NFSA (PHH) yong u Ñaisaphra da dep pyllait ya oo.
Ya u khoo Antyodaya Anna Yojna (AAY) u saam 35 kilo ka wi ka AAY F.I. Card hei dor T. 3 chi kilo ya ki thaw sor wa kamjooh ki nongkyndong.
Ya u khoo ka Priority House Hold (PHH) u saam 5kilo chi khlieh hei dor T. 3 chi kilo.
Discussion about this post