Jowai: Ka Eastern Zone ka yung bichaar ka National Green Tribunal ha kani ka 19 tarik da chong bichaar biang ko ya ka mukotduma heiyatoh wow yada ka wah Myntdu.
Ha kani ka sngi ka Jowai Municipal Board da pynsñiaw ko yei chitom poisa ki paidbah wa chong chnong ka Jowai wei pyntip ko leh ya kiwa boon ki kaam wa da pyrchang ko wow yada ya ka wah Myntdu yow pynman ka kawa khooid.
Ka Jowai Municipal Board leh da pyntip ko cha ka yungbichaar wa i chna ya ki Septic Tank wa ka Soak Pit System toh kawa chimpor kamjooh kawa chim thaw wei man ko kawa syad ya ki wym dap poisa u chna. Kamtæ ka NGT leh da ngait ko wei da pyndam chwa wow phah chna Septic Tank tangwa da phah ko ya ka Jowai Municipal Board wow thooh ko da kiwi ki buit yow chna ya ki liar ki wow pynpoi ya waroh i jakhlia cha ka wi ka Sewage Treatment Plant.
Ka National Green Tribunal leh da phah ko ya ka sorkar jylla wow chna ya kam kini ki jooh hei yatoh wa kiwi ki wah wa em ha jylla wow yada ya ki wei wow pyntip cha ka NGT ha ka tarik wow chong bichaar biang.
Discussion about this post