U DC ka West Garo Hills District da pyntip u wa ynnin ka sngi heipor kamwa 3 waje i janmiet da em i ya kajia hapyrdi ki pulit wa kiwa chongdai madan heiwa da poi chei chah pynhaap chah nooh ki jhoor kiwa chongdai ha ki pulit.
Hajrong ini neiliang u DC da phah paan maap u ya ki pulit wei wow su ki leh yei doohnong kiwa chongdai kiwa da chah noh ki jhoor wa dai ki.
Da ong u leh wa ha kam kini ki por toh u pyrkhat yei long i man kiwa dooh wa duk wei hawa ya tyngkhooh kaam wa ki toh u pyrkhat bha kammon u leh.
Chooh chooh da pyntip u wa daw pynchitom ya ki pulit wa emkti ha ini i kaam wei daw pynman yei pynsñiawthooh ya ki pulit kammon wow leh ha kam kini kaam.
U DC ynne ka sngi da pyntip u leh wa ki dukan marbaam hapoh ka yaw Tura u wai ki katkam ka hukum wa pynmih ini wa dep katwa ha kiwi won ki bynta ka District u wai ki Monday hadooh Friday nadooh 8:00 waje i step hadooh 4:00 wajei janmiet katwa kiwi won ki dukan wym toh kiwa dai marbaam u wa wai ki nadooh Tuesday wa Thursday nadooh 8:00 waje i step hadooh 4:00 waje i janmiet.
Ynne ka sngi hi ki pulit ka West Garo Hills da lai yachem ki ya kiwa chongdai kiwa da chah ktah heiwa da su cha ki ya i bai lutsan yong ki.
