Ha kini ki por wa boon kiwa thooh yutip chaphang u COVID-19, heiwa nadooh ka sorkar leh da yaleh ko katwa ye wow pyntip man ka sngi yei long i man hapoh ka ri, tangwa da em leh kiwa chim kabu ya ini deiwa ieñ yaki bru ki wym tip lyngba ki E-mail, SMS wa kiwi ki laad kam haki Social Media wow kular yaki bru wow yoh ki yaka ‘Free COVID-19 Test’, ki yarap poisa, ki jop poisa kam ki Reward Points, Cashback Offer wa kiwi ki jait kiwa man kiwa thok wow pynbiej bru donhi.
Kamtæ neiliang ka sorkar India da ong ko toh u syndong bha wei wow pait bha lada yoh E-mail na kiwa em pyrtuid [email protected] wei ym toh wow wai ya kini ki E-mail kamjooh ki SMS lane wow wai yaki Link wa phah lang ha kini ki E-mail, SMS lane ki Message wa poi lyngba ki Social Media cha phi heiwa kini kiwa leh ya ini iwa tip leh kam i Cyber Attack ye ki wow tip chaphang yong phi wa ki kaam poisa poilaiñ wa da leh phi lyngba ka Internet.
Ka sorkar da ong ko wa ham pyndap lane e yutip chaphang yong phi haki Website kiwa ym yootikna phi kiwa ym jooh sñiaw phi wei wow pait bniah bha yei pyrtuid ki Website neibhah kiwa thok em i por pynkylla ki yaki dak wow sariem waka Website wa tikna heiwa kiwa ym em puræ bniah yei pyrtuid ye ki wow chah thok.
Neiliang ka Computer Emergency Response Team-India (CERT-In) da ong ko wa lada em wa chah chim kabu wow pyntip wut wut cha ka [email protected].
