Ynne ka sngi ka JYF Lad Rymbai Unit waka East Jaiñtia Youth Movement (EJYM) hapoh i yahkhmat u Thimonthi Pala, President Lad Rymbai Unit wa u Rilum Dkhar, President EJYM da ujor ki cha Inspector yong ka Legal Metrology wow pyntip hajrong i chim kabu yong kiwa dai ya kiwa thied ya ki jhur wa ki marbaam na ki dukan khamtam ha waroh kawi ka Lad Rymbai.
Ki ar seiñ da ong ki wa boon na kiwa dai da thaw khia, thaw kilo ki dei wym biang iwa da wanrah yei dooh nong wa khroo ya ki paidbah.
Kamtæ da kyrpaad na kani ka yung krehkaam sorkar wow lai sylli, lai takit yeini wei wow chimkhia ki ya ini i kaam.
