Phah takit u Montri yei poi da ki Tin Aluminium kiwa toh u saam paidbah

Hadien wa ka Hynniewtrep Youth Council (HYC) da lai ko wow khynreh ya ka kudam wa booh ya ki Tin sap yung kiwa man neibynta wow saam paidbah, da chem toh kiwa stang snap ne, wei neiliang u Montri wa pait ya ka chnat Housing, u Marcuise N Marak da phah takit u yeini ha ka chnat wow pynman da ka Departmental Enquiry.

Hawa klam ynne ka sngi, u Marak da ong u wa da yoh ya ka ujor na ka HYC, wei wut-wut da phah u wow pynman yei takit. Da khana u wa hadien wa da paan yei pynche na ka chnat, da pyntip wa kini ki Tin wa tip kam ki Corrugated Galvanized Iron Sheet (CGI), da pynpoi da ki Corrugated Aluminium Sheet, deiwa ong wa ki Aluminium toh kiwa bha wei rap chkeh hanla man ki kiwa stang wa kiwa stiñ, katwa ki Tin kiwa rap khai toh kiwa smat wow baam sarah, wei na ini i daw ka chnat da mynjur ko wow thied da ki Aluminium.

U Marak da khana u leh wa hadien wa ujor ka HYC, da thung yei takit yow tip bniah yow chem yeiwa sakhiat wa ki mar kiwa poi toh kamwa wa da ya pynbait næ wa em kiwa leh chutia wei kani ka takit daw chimpor ko kamwa chi bnai.

Hawa kylli, u Montri da ong u wa katkam wa da pyntip cha oo, ym em i bakla iyi iyi, tangwa da ong u wa hanla kattæ leh hadien wa da dep ka takit wei lada chem wa em wa em kiwa leh chutia daw leh deiwa eh ya ka Company wei wot ya ki sahep ka chnat.

Related posts

Wai chnat krehkaam ka Jowai Co-Operative Urban Bank ha Ladthadlaboh

June 12, 2026

Chah pynbaam ki kynthai Naga da i jait doh wym jooh em maad ki, ong ka NPNF hadien wa chah ah lyngkhot ki chynrang wa chah pynyap

June 12, 2026