Phah thap lut ka sorkar ya waroh kiwa dooh laad u puræ Class XI wa ka BA 1st Semester ha KNGC

Jowai : Hadien wa mih i ood na kiwa boon ki khynnah puræ ym du ha ka KNGC kamjooh ha waroh ka jylla khamtam kiwa lai puræ Class XI iwa da kynjoh 3000 hapoh ka jylla wa dooh thaw puræ, ka sorkar da e ko ka hukum yow pynpsiah ya waroh kiwa dooh u lai puræ hanlada ym em bor (capacity) ki collge u pdiang ya ki.

Yow ye ki College u pdiang ya ki khynnah wa dang sah da khut kreh ka sorkar ya kamwa 102 ngut kiwa sikai ha ka kyrdan ka Higher Secondary Science wa Arts ha ki subject Political Science, Economics, Khasi, English, Physics, Maths, History wa kiwi kiwi wei u thung arngut ya kawi ka subject. Ya kini kiwa sikai u thung ya ki da ka Contract Basis.

Kamtæ neiliang ki bor wa pyllai ya ka KNGC nadooh mynstep ka 27 tarik hadooh ka 29 tarik da phah wan biang ki ya kitu kiwa dooh thaw puræ yow sñiawthooh katwon ngut wa da puræ cha kiwi ki thaw puræ wei kamjooh katwon ngut kiwa dang dooh thaw puræ.

Katkam wa man khaddooh wa pynkut yei pdiang ya ki khynnah puræ ha ka Class XI Arts wa Science da em 1200 ngut kiwa dang dooh wa 192 ngut ha ka B.A. 1st Semester.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ka College leh u chna Section thymme ko ya ki BA (Morning) wa ki Class XI hapoh ka Indoor Stadium deiwa ya bhah ya ka cha ki kamra.

Ya kiwa wan psiah thymme da dooh ki la kam chi bnai i puræ iwa da sdang ya kiwa boon nadooh ka 22 tarik u Ñaiynru (June) uni u snem ha KNGC.