U Montri Rangbah ka jylla, u Conrad K Sangma ynne da thoh u cha u Montri Rangbah ka Assam, u Himanta Biswa Sarma yow chimkhia u yeiwa jia wa yap uwa chong chnong ka Meghalaya ha Assam.
U Conrad da dawa u wow pynman smat yei takit yeiwa jia ya u (L) Niksamseng Ch Marak, uwa da chah kem ha ki pulit ka Assam ha ka 2 tarik uni u bnai wei da phah ya oo cha ka Rehabilitation Centre wa em ha Goalpara, Assam.
Tangwa hadien ar sngi da chem yei metyap uni hapoh kani ka Rehab Centre kawa tip kam ka New Life Foundation Centre kawa em ha Nayapara, Goalpara deiwa yoo suba bha.
Nyngkong da pyntip cha kiwa ha-yung uni uwa khlaad wa da chim u yei mynsien yong oo hi tangwa hadien wa pynkylla ya ini wa da ong ki iwa da pynmih chooh chooh yei suba.
Ha i doh i pran uwa khlaad da em boon ki dak mynsoo hadooh iwi wa chah ah da ka tari na i ngaap tidiang u, ki kha chah thang ha tangbieñ, ha skep wa ki kjat.
Kamtæ u Conrda da ong ko wa u Niksamseng da chah pynchitom, chah dat wei chah dung u heipor wa em u hapoh kani ka Rehab Centre.
Da pyntip u leh wa kiwa ha-yung u Niksamseng da dep ki wow e FIR wei hajrong ini da kyntu ya u Sarma wow tuklar u yeini deiwa phah takit.
Discussion about this post