Jowai: U Chief Electoral Officer (CEO) ka Arunachal Pradesh, Itanagar da pynmih hukum u wow phah ya ki kyrtong nadooh kiwa yeiñ samen kamjooh kiwa pynyeiñ da ki seiñ saiñ hima wa lada ki kyrtong toh kiwa emkti ha ki kaam pyrchah aiñ kiwa dang chah bichaar hadooh kiwa da dep chah kset patok wa emkaam ki wow pyntip paidbah chaphang ini lyngba ki laad pathai khubor ka jylla Arunachal Pradesh.
Ya ini da leh katkam ka hukum wa pynmih daka Supreme Court hadien wa em wa yaleh mukutduma heiyatoh wa ini kawa krehkaam ha waroh ki Election MP, MLA hapoh ka ri.
Da phah ya ki Party wa da tipmit kamjooh kiwa ym pu tipmit wow booh ki ha ki Website yong ki ya ki kyrtong wa da em ki ujor pyrchah ya iwa da leh ki ya ki kaam pyrchah ya ka aiñ nadooh ki kaam wa da rim wa kiwa dang bichaar hadooh katni wei u pyntip leh cha ki TV Channel, ki kot khubor wa kiwi kiwi.
Ka Election Commission of India da phah ko ya waroh ki kyrtong wow e lang ki waka Affidavit haka Form-26 deilang waka Nomination Paper ki wow khana lada em ki kaam wa da leh ki pyrchah ya ka aiñ, ki thaw ki bhaw yong ki, ka poisa wa em ki wa kamjooh i kyrdan puræ wa da pyndep kiwa toh u pyntip nyngkong ha khmat u Returning Officer.
Neiliang ka DIPR ye ko u jied ha kiwon ki laad pathai khubor wow pynbna paidbah ya ini waroh.
Discussion about this post