U Montri Rangbah ka jylla, u Conrad K. Sangma da pynsñiaw u yei sñiawsih kthang hadien wa chem yei metyap ka Insaphira Lyngdoh Mawnai kawa dang 4 snem i rta hadien wa wiar ko hei step ka 14 tarik deiwa suba joor wa em kiwa emkti.
Da ong u leh wa katkam wa chem neiwa dang sdang takit, da suba wa ini toh i kaam pynyap bru.
U Conrad da chimkhia u yeini deiwa phah pynman ya ka takit wa bniah yow pynchitom ya kiwa emkti.
U Montri Rangbah da phah u leh yei sñiawlem cha kiwa ha-yung ha-sem kani ka khynnah khamtam cha ka bei u pa ko.
Kam wow pynkynmoo wa ynne i step da chem yei metyap ka Insaphira na iwi i yung wa dang chna na ka mala wa em ha tre hei bynta wa lang um heiwa yei doh ko da ban da u moo na ryngkhi.
Neiliang u SP ka East Khasi Hills, u Vivek Syiem wa ki bru u da wan ki wow pynman yei takit.
Ha iwi won i liang, neiliang ka Sein Niamtre Khynnah Puræ Shillong da phah ki yei sñiawlem deiwa dawa leh wow pynman ya ka takit kawa khooid wa smat yow chem ya kiwa emkti wow leh yeini i kaam pynyap bru.
Discussion about this post