Phah u Conrad yaka poisa wa T. 30 klur cha 60,000 tylli ki manyung ki warep hapoh ka FOCUS+

Ka sorkar Meghalaya da pteiñ ko ya ki kaam yarap neibynta ka roi ka paar ha ki thaaiñ palatsor heiwa u Montri Rangbah, u Conrad Sangma da saam u yaka song poisa hapoh ka FOCUS+ ha Jengjal, West Garo Hills District ynne ka sngi, kawa da phah lyngba ka Direct Benefit Transfer kawa heh dooh ha Meghalaya.

Kani ka poisa kawa da phah dapoi ko T. 30 klur cha ki 60,000 tylli ki manyung ki warep hapoh ka FOCUS+. Ka FOCUS+ toh kawa da pynyaar chooh chooh yaka FOCUS (Farmers Collectivization for Upscaling Production and Marketing System). Deilang ka Focus waka Focus+ da yarap cha ki manyung ki warep ha Meghalaya wei u yoh ki mar T. 10,000 chi yung.

Hawa klam ha kani ka sngi wa sahkynmoo, u Montri Rangbah da ong u, “I bha i miat ki warep toh ka thong wa hakhmat dooh yong ka sorkar yong i. Nga sñiawkmen oo wow khana wa chiboon ki warep da yoh myntoi ki na ka Scheme FOCUS. U pteiñ i wow kyrchaan ya phi lyngba kam kini ki Scheme. Ka thong yong i toh wow pyntikna wa ka FOCUS wa FOCUS+ u pteiñ ki man-u-snem. Lada phah i T. 450 klur man-u-snem cha kiwa dooh wei deiwa phah ya kani ka poisa man-u-snem, hapoh 10 snem hadooh T. 4,500  klur daw psiah ko cha ka yaaw ka haat, ka khayi pateiñ, pyrkhat hi-eh yei wan ka pisa cha ki warep. Ynne ka sngi i da dep i wow phah T. 30 klur cha ki 60,000 tylli ki manyung. Ka thong yong i toh 4.5 lak tylli ki manyung ki warep”.

Chooh chooh, 11 tylli ki VPIC ka Rongram da yoh pdiang ki T. 1.48 klur hapoh ka Meglife Project yow chna yaka Community Hall wa 9 tylli ki SHG kiwa da yoh pdiang T. 11 lak.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Heijooh i por, hapoh ka Rural Backyard Piggery Scheme, ‘PROGRESS’, da sam 2000 tylli ki khon sñiang (3 tylli ki sñiang kynthai wa uwi u sñiang chynrang) cha ki 500 tylli ki manyung ki warep. Ka Scheme ‘PROGRESS’ da thmu wow pyntikna yaka kamai kajih kawa neh lyngba ki kaam ri waphær waphær. Da booh thong wa kani ka Scheme daw pynmyntoi ko ya ki 10,000 ngut ki warep wa dooh wa khian wei leh wow pynku yei pynmih yei dohsniang wa dohsyiar ha ka jylla. Da saam leh ya ki syiar Kuroiler cha ki 100 ngut kiwa yoh myntoi.