U Chief Secretary ka jylla, u D.P. Wahlang, ynne da wan khut u ya ka yalang ha Conference Hall ka yung krehkaam u Deputy Commissioner, West Jaiñtia Hills District, Jowai.
Ha kani ka yalang da em u M.R. Synrem, Commissioner and Secretary, Urban Affairs Department, u E. Kharmalki, Director, Urban Affairs Department, u B.S. Sohliya, Deputy Commissioner, West Jaiñtia Hills District, u R.S. Gill, Principal Chief Conservator of Forest wa Chairman, MSPCB wa kiwi kiwi.
Ha ka yalang da yaklam hajrong ki hukum ka National Green Tribunal ha ka mukotduma O.A. 172/2016/EZ, wa ujor da u Sajay Laloo pyrchah ya ka sorkar jylla.
Neiliang u Chief Secretary da kyntu u ya ki bor District, ka Jowai Municipal Board wa ka Urban Affairs Department wow pyntikna wa da booddien ya ki hukum ka NGT heiyatoh wa i khooid ka wah Myntdu, wow pait ya i thaw noh jhep wa paka neibynta ka sor Jowai, wow beh wei wow khang ya ki yung wa jngai 50 metre na ka wah Myntdu.
Da kyntu leh ya u DC wow pait wa smat i kreh neibynta ka Fecal Sludge and Sewage Management Treatment Plant, ki thaw pynlang jhep wei kamjooh leh ki yung kiwa khlem em Septic Tank ha Jowai.
