U DC ka West Jaiñtia Hills District da pyntip u wa kam chibynta wow bood yeiwa da phah da ka National Commission for Protection of Child Rights (NCPCR) deilang waka Narcotics Control Bureau (NCB) kiwa da pynkhreh ya ka Joint Action Plan kawa tip kam ka “Prevention of Drugs and Substance Abuse among Children & Illicit Trafficking” wei kam chibynta ini da emkaam leh wow pait bniah yei rukom dai dawai ki Pharmacy kiwa dai ya ki jait dawai wa haap hapoh ki Schedule H wa X Drugs.
Kamtæ u DC da pynkrehkaam u da ka Section 133 Cr.PC 1973 yow phah ya waroh ki dukan dai dawai (Medical/Pharmacy) wa em hapoh ka West Jaiñtia Hills kiwa dai ya ki dawai wa haap hapoh ka Scheduled X næ H Drugs katkam ka kyndon 65(9) (a) ka aiñ Drugs & Cosmetics Act, 1940 wow pyndait ki ya ki CCTV Camera hapoh wa ha lait ka dukan ki.
Da e por chi bnai wow pyndait ya kini ki CCTV Camera wei iwa da riñ da kini ki Camera daw wan pait da u District Drug Controller Authority/Child Welfare Police Office ha iwon iwon i por.
Lada em ki wym bood ya kani ka hukum, daw chah pynchiton ki katkam ka aiñ.
Discussion about this post