Ka Dorbar Chnong Ialong hadien wa yoh ko ya ka sabut wa biang wa pynyoo ya kawi ka kari Maruti Omnivan rong lieh kawa wan noh yei jhep wada song hapoh churia ha chwa u poi ka Civil Hospital, Ialong ha ka 1 tarik uni u bnai heipor 2:17 i sngi.
Neiliang ka chnong da ong ko wa ym pu kwah ko u khana yei pyrtuid u bru kamjooh i Number kari tangwa da e por ya oo wow wan paan map u naka chnong chwa ka 04-05-22, lym kamtæ ka dorbar chnong Ialong daw leh ko deiwa eh ya kini ki jaitbru wa pynman thaw noh jhep ya ka chnong.
Ya kani ka kari da yoh leh wow riñ dur da ki bru paidbah kamjooh da ki CCTV.
Ka Dorbar Chnong Ialong da pynbna paidbah biang ko wa da khang pyrchah wei maham joor ya ki paidbah nadooh ki tre chnong hadooh ki para marjan chnong hajrong i noh jhep khiar ha tymbud u sarok NH6 wa em hapoh u pood u ang yong ka Dorbar Chnong Ialong nadooh Soomer Bihsyntu hadooh Rajasthan Hotel 7Mer.
Ya kiwa wan noh jhep pyrchah ya iwa da maham, daw pynchitom katkam ki aiñ chnong deiwa eh bha deilang wa ka kuna hei dor iwa heh.
“I krehlang yong phi ki paidbah yooluti u yoh pdiang i ya i khooid i suba ha waroh soodong sookun ka District kamjooh ka jylla hi waroh kawi,” pynkut ka wyrta na u Waheh Chnong ka Ialong, u T. Ram Phawa.
