Ka KSU Barato Unit deilang wa ki bor chnong lyngba kani ka khubor da pyntip cha ki damok kiwa dat Bomb (Dynamite) ha ka Um Mynriang wa em hapoh u pood u ang yong ka chnong Barato wow wan pyndem ki yow lait ki nei chah e kti cha ki bor ka aiñ.
Ini toh iwa da jia hei miet ka 16 tarik uni u bnai heipor kamwa 8:00 waje chaneiñ heiwa da em ki kattu katni ki bru kiwa da leh pyrchah yeiwa da maham yeiwa da khang u tynyap khiar ya ki dohum tangwa kattæ leh dang em kiwa dat Bomb ha i bynta ka Mynriang nadoooh Iaraiñ ter-ter ha ki bynta wa da khang wei da maham pyrchah wym chah u tynyap ya ki dohum da kiwa boon ki jait ki rukom nadooh ki snem wa chadien kiwa da em hei pait i sumaar ka KSU Barato Unit waka chnong Barato.
Kamtæ ka seiñ ryngkat wa ki kattu katni ki waheh deiwa yarap lang ka KSU Lapangap Unit mar ya tip yeini da hiar ki wut-wut cha katai ka thaw wa jia wa kini ki damok da leh ki ya ini i kaam tangwa ym yoh de wow kem ya ki, kamtæ lyngba kani ka khubor da pyntip cha kitu kiwa leh ya ini i kaam wa dadep khang pyrchah kamjooh i wym yahaap de waka juk wa katni wa yow lait ki nei chah pynchitom, da e por kamwa chi tayaaw u wan mih ki cha ka yung krehkaam ka seiñ.
Ka seiñ da ong ko lada kini ki damok kiwa ka seiñ da tip tikna ko ki ym wan mih wan pyndem ki heipor wa da booh, ka seiñ daw e kti ko ya ki ha ka aiñ.
Ka seiñ da pynsñiaw ko leh yei sñiawsih wa khroo wa neipor cha i por jia kam kini ki kaam najrong wa da boon sien ka seiñ dep ko wow pynchitom deiwa dam u e laad ya u heh u khian næ uwon uwon wa leh pyrchah yeiwa da khang neibynta i miat i bha khamtam ya ka pateiñ mynried mankawi.
Ya kini ki damok toh u wan ki lyngba deiwa pyntip ya kini ha wah, President KSU Barato Unit (9366089025), General Secretary (9366424332), waheh chnong Barato (7005861344).
Discussion about this post