Ynne ka sngi da lehwarom ya ka Republic Day wa 73 ha East Jaiñtia Hills District kamwa da leh ha kylleiñ ka jylla wa ka ri heiwa hapoh ka District ya kani ka lehen da pynman ha Madan ka Khliehriat Higher Secondary School.
Ha kani ka sngi u MLA ka Mowkaiaw, u Nujorki Sungoh da man u kam u kongsan heiwa da pynhær u ya ka lama ka ri wei da chim u leh ya ka salam.
Da pynphooh ya kani ka lehkmen da ki chaad wa i pynyoorong ya ki kari wa da pynwandur ha jar jiar ki rukom namo ki Tableau da ki chnat sorkar hapoh ka District kam ka Soil and Water Conservation Department, ka yung krehkaam u Executive Engineer (Water Resources), ka yung krehkaam u District Disaster Management Authority, ka yung krehkaam u District Commerce and Industries Centre, ka yung krehkaam u Superintendent of Fisheries, ka yung krehkaam u District Transport Officer, ka yung krehkaam u District Sports Officer, ka yung krehkaam u District Range Forest Officer (Wildlife Range) wa ka yung krehkaam u District Range Forest Officer (Social Forestry Range), ka chnat Animal Husbandry & Veterinary, ka yung krehkaam u District Agriculture Officer waka ka yung krehkaam u District Horticulture Officer.
Neiliang u kongsan da saam u leh ya ki khusnaam cha kiwa miat dooh ki Tableau heiwa ya i naam jop da rah da ka District Agriculture Officer wa ka District Horticulture Officer, East Jaiñtia Hills District bood won sa ka Executive Engineer (Water Resources), East Jaiñtia Hills District katwa ka District Commerce and Industries Centre, East Jaiñtia Hills District da yoh ko yei naam wa le.
Ya i naam jop ha i pynwyrngia wow pynphooh ya kani ka sngi da jop ka Tluh Village Organization bood won sa ka Dkhiah East Secondary School katwa ka Khliehriat Presbyterian Secondary School da yoh ko yei naam wa le.
Kam chibynta yong kani ka sngi lehkmen neiliang ki sahep ki chnat sorkar ka District da lai e sñiawbha ki cha ka Children’s Home (Boys) and Children’s Home (Girls), ha CHC Khliehriat wa cha ka CHC Sutnga.
