Ka Dorbar Seiñkur Wann Khasi Jaiñtia kawa da pynman ha Madan Anglyer Mynska, West Jaiñtia Hills, ha ka 25 tarik uni u bnai da man ko kawa phooh wa phieñ.
Ya kani ka dorbar kur da pynlai da u President, u Phrangki Wann, ya ka lama da pynhær da u President ka Seiñkur Wann East Khasi Hills Unit, u Peace M Wann wei da em leh i pynyatipmit para kur ha jar jiar ki chnong wa chong wa sah ki kur, da yoh leh i klam na ki Unit waphær waphær kam na ka Hardiment Wann na ka Shangpung Unit, u Riwar Wann, President ka Mynska wa Khlookynrieñ Unit, u Iaishah Wann na ka Elaka Raliang Unit, u Walton B Wann naka Jowai Unit wa u A.S. Wann, Vice President ka East Khasi Hills Unit.
Da puræ wei da pynbna wyrta ya kiwa dang yatoh kur wa ka kur Wann da u Makershwa Wann.
Da saam leh ya ka khusnaam neibynta kiwa da lehbha ha ka SSLC wa HSSLC da u James R Wann, Adviser Seiñkur Wann Khasi Jaintia wei da yoh leh i chaad wa na ka Shangpung Unit, Mynska Khlookynrieñ Unit wa ka lehke Drama wa tbian wei kawa yoosuk na ka Elaka Raliang Unit.
Hadien ini da pynskem ya kiwa kitkaam ka Seiñkur Wann Khasi Jaintia neibynta u snem 2022-24 wei khaddooh da yoh ya ki kyntien e khublei na u Rocking M Wann, Vice President Seiñkur Wann Khasi Jaintia.
Ka kyrwoh na u Wompher Wann, Secretary ka Seiñkur Wann Khasi Jaiñtia.
