Jowai: Ka St. Michael and All Angels’ Secondary School, Jowai, da lehkmen ko ya ka sngi yong ka skur ya kawa tip leh kam ka School Day heiwa da pynman ya ka Concert, ha kani ka Sngi Chohthat ha District Library Auditorium, Jowai, heiwa u Rev. S. Siangshai (Dean) da man u kam u kongsan katwa u Rev K. Dkhar Chairman SMC kam u symbood kongsan ryngkat i emlang kiwa sikai,ki bei ki pa, ki khynnah skur wa kiwa da chah khut sñiawbha.
Chwa wow sdang ka yalehke wa ka Concert da em ka yalang wa tbian heiwa da yoh i klam na u Rev. S. Siangshai, Rev K. Dkhar Chairman SMC, i puræ ya ka Bible na ka R. Dkhar, i ngoohblai na ka C.E.R. Challam, i klam na ka D. Sutnga, u A.N. Gatphoh Secretary, ka R. Blah neiliang ki manbei manpa ki khynnah won da yoh na ka N. Lytan wa kiwi kiwi.
Da pynchongchit wei pynphooh pynphieñ ya kani ka sngi lehkmen yong ka skur da i chim bynta ki khynnah nadooh kiwa dang khian hadooh kiwa da heh, da ki chaad, ki rwai tynre, ki lehke drama, Fancy Dress, Traditional Dress yong ki jylla waphær waphær, wa kiwi kiwi.
Discussion about this post