Jowai: Ka lehkmen Tisang Beach Festival kawa da sdang nadooh ynnin ka 10 tarik da poi ko chawa kut ynne ka sngi ha Kwator harood ka wa wah Tisang wa tip leh kam ka Myntdu heiwa da wan sakhi ya ka da ki paidbah wa wan na kylleiñ ka jylla.
Ha kini ki ar sngi da em boon ki yalehke kam ki Beach Football, yakop chaad, yakop kiñ lien, ki DJ, kiwa rwai Hiphop, ka Fashion Show wa kiwi kiwi.
Kini ki ar sngi yong kani ka lehkmen ynnin i janmiet da haap pyndam ya ka neidaw wa joor u slap wa ka la-ær tangwa i mynsien ki paidbah wow pynman ya ka kawa jop da hiar ki da ki spah cha kani ka chnong.
Ki bru da yoh ki leh u lai paitke ya i thaw kñia bru u syiem ka Hima Jaiñtia wa em ha Borghat wa kiwi kiwi.
Da yoh ki paidbah leh wow ap ya ki sur wa rwai da u Ram Suchiang, Deiwitawan Synnah wa kiwi kiwi.
Ya kani ka Tisang Beach Festival da pynman da ka Borghat Jaliakhola Aquatic Life Association hei ya krehlang wa ka yung krehkaam u Deputy Commissioner ka West Jaiñtia Hills District, District Sports Officer West Jaiñtia Hills District wa ka SDO Amlarem.
Discussion about this post