Phooh ka sngi khaddooh ka lehniam Puja ha Nartiang

Jowai: Ynne ka sngi kamwa man ha kylleiñ ka pyrthai wa ka ri, ka lehniam Durga Puja leh da pyndep ya ka ha Nartiang hei sakhi wei chimbynta da kiwa boon walang kiwa ngait ya ka niam Hindu.

Chwa wow lai pynngam um ya ka Blai da pyndep chwa ya ka Puja ka kñia da u pandit hei emlang ki wasan wei da pyndep leh ya ka Chaad Pastieh.

Hei sngi nawon ki paidbah deilang wa ka Chaad Pastieh da lai hiar ki cha ka wah Myntang wow li pynngam um ya ka Blai kawa da chna da ka pachor kawa rah da u Pandit wei manda poi ha rood ka wah Myntang da pyndep biang yaka lehniam wei da pam ya uwi u blang chwa wow pynngam yaka Blai.

Ka lehniam ha uni u snem man ko kawa phooh wa phieñ heiwa da wan sakhi ya ka da ki spah ngut da kiwa boon na kylleiñ ka jylla.